Nga Rasim Smajlaj
Rasti i Astrit Deharit është plagë e hapur për shoqërinë tonë, por mbi të gjitha është test për ndershmërinë e Lëvizjes Vetëvendosje. Është e papranueshme që, pas kaq vitesh, end ine nuk kemi një epilog të qartë dhe të plotë. Kjo heshtje e zgjatur nuk është thjesht neglizhencë – është shenjë alarmi. Babai i Astritit, si pjesë e LVV-së, ka mundësi dhe detyrim moral ta shtyjë këtë proces përpara. Por fakti që kjo nuk ka ndodhur, vetëm sa ushqen dyshimet se brenda vetë LVV-së ekzistojnë struktura ose interesa që nuk e duan zbardhjen e plotë të së vërtetës. Nuk po bëj akuza personale – po ngre një pyetje që e ka çdo qytetar i ndershëm: Pse LVV nuk e bën presionin maksimal për zbardhjen e rastit? Nëse e vërteta nuk është e frikshme për ta, atëherë pse e shmangin transparencën? Drejtësia për Astritin nuk është opsion, është detyrim. Çdo vonesë është fyerje për kujtimin e tij dhe për të gjithë ata që besojnë në shtetin e së drejtës. Nëse LVV nuk e vendos të vërtetën mbi interesin partiak, atëherë ka humbur çdo të drejtë morale për t’u thirrur në parime.
Opinion i pavarur, nuk përfaqëson qëndrimet e Kosova Times
