Më shumë se 70 persona humbën jetën sot në një aksident trafiku në provincën perëndimore afgane të Heratit, tha policia.
Aksidenti ndodhi kur një autobus që transportonte emigrantë të deportuar për në Kabul u përfshi nga flakët pasi u përplas me një kamion dhe një motoçikletë, tha zëdhënësi i qeverisë provinciale, Ahmadullah Mutaki.
17 fëmijë midis të vdekurve
71 persona humbën jetën, përfshirë 17 fëmijë, raporton Reuters.
“Për shkak të shpejtësisë së tepërt dhe pakujdesisë, (autobusi) doli nga rruga kryesore dhe u përplas me dhunë me një kamion në provincën Herat”, tha policia.
