Pesë shoferë janë dënuar nga policët rrugor në rajonin e Ferizajt, si pasojë e shpejtësisë përtej rregullave të komunikacionit.
Të pestit janë dënuar me gjobë me pagesë, iu janë shqiptuar pikë negative si dhe iu është ndaluar drejtimi me makinë.
“Rastet e regjistruara: – Në rrugën “Driton Islami” në Ferizaj, në zonën e kufizimit me 50 km/h shoferi A.A. (26 vjeç), me veturën Mercedes — zhvilloi shpejtësi 101 km/h. Në magjistralen Ferizaj–Kaçanik në afërsi të pikës së karburantit “Bubeari Petrol”, në zonën me kufizim të shpejtësisë 40 km/h, shoferët u kapën : – Sh.I. (20 vjeç), me veturën VW Golf — u kap me shpejtësi 132 km/h, – U.P. (20 vjeç), me veturën VW Golf — u kap me shpejtësi 119 km/h, – B.L. (24 vjeç), me veturën VW Pikap — u kap me shpejtësi 109 km/h… Kurse në magjistralen Ferizaj–Kaçanik, në afërsi të “Varrezave të Dëshmorëve” në Kaçanik, shoferi B.O. (27 vjeç), me veturën Audi — ka bërë tejkalim të veturës së policisë me targa civile, duke mos respektuar shenjat e trafikut vertikale dhe horizontale dhe duke rrezikuar pjesëmarrësit në trafikun rrugor”, thuhet në njoftimin e Policisë së Kosovës.
