Rusia dhe Ukraina shkëmbyen sot 146 të burgosur lufte nga të dyja palët pas ndërmjetësimit të Emirateve të Bashkuara Arabe, njoftuan Ministria ruse e Mbrojtjes dhe Presidenti ukrainas.
Ministria ruse tha se të gjithë rusët e liruar ndodheshin në Bjellorusi dhe po merrnin ndihmë psikologjike dhe mjekësore. Ukraina gjithashtu ktheu në Moskë tetë qytetarë rusë, banorë të rajonit Kursk, tha ministria.
Presidenti ukrainas Volodymyr Zelensky njoftoi në aplikacionin Telegram se shkëmbimi kishte ndodhur, por nuk dha asnjë informacion.
Emiratet e Bashkuara Arabe luajtën gjithashtu një rol
Presidenti postoi fotografi të të kthyerve që buzëqeshnin, duke thënë se shumica e tyre ishin mbajtur robër që nga viti 2022, kur Rusia pushtoi fqinjin e saj më të vogël. Ai tha se midis tyre ishte një gazetar, i kapur një muaj pas pushtimit.
Zelenski falënderoi Emiratet e Bashkuara Arabe për rolin e tyre në shkëmbim. “Shkëmbimet vazhdojnë. Ndoshta kjo është e mundur falë ushtarëve tanë që rrisin fondin e shkëmbimit për Ukrainën”, shkroi presidenti, duke iu referuar kapjes së ushtarëve rusë.
