Kreu i Partisë Demokratike të Kosovë, Memli Krasniqi, ai i Lidhjes Demokratike, Lumir Abdixhiku, si dhe kryetari i Aleancës për Ardhmërinë e Kosovës, Ramush Haradinaj, kanë pritur në takime të ndara të dërguarin e posaçëm të Francës për Ballkanin Perëndimor, René Troccaz.
Gjatë takimeve është biseduar për zhvillimet e fundit politike në Kosovë.
Krasniqi tha se ka ritheksuar se rruga më e drejtë dhe më e shpejtë për të mbyllur kapitullin e Ballkanit Perëndimor është integrimi sa më i shpejtë i vendeve tona në Bashkimin Evropian. Ai tha se si PDK, ka dhënë kontributin duke votuar kryetarin e Kuvendit në funksion të zhbllokimit të situatës.
Ndërsa, kreu i LDK-së, Lumir Abdixhiku, tha se ka theksuar qartë se Lidhja Demokratike e Kosovës nuk mbështet praktika që dëmtojnë funksionimin kushtetues dhe normalitetin institucional të vendit. Ata që e kanë
nisur këtë rrugëtim, sipas Abdixhikut, duhet të marrin përgjegjësinë për krizat që i shkaktojnë me vetëdije.
Nga ana tjetër, Haradinaj pas takimit ka thënë se Franca ka luajtur rol të rëndësishëm në përpjekjet e popullit të Kosovës për liri, pavarësi dhe shtetndërtim, dhe gjithashtu partnere e rëndësishme e vendit tonë në shumë fusha.
