Kryetari i PDK-së, Memli Krasniqi, pas përfundimit të seancës konstituive të Kuvendit, tha se përkundër faktit që ata mundësuan një proces që mund të zhbllokonte krizën politike dhe të nxirrte institucionet nga situata, LVV qartë nuk ka këtë qëllim, por dëshiron ta vazhdojë dhe ta thellojë krizën. Ai shtoi se kjo është përtej talljes me shtetin.
Ai vlerësoi se kjo është një papërgjegjësi e skajshme dhe një popullizëm me të cilin ata synojnë të mbijetojnë politikisht, por sipas tij, kjo papërgjegjësi mund të sjellë pasoja të paparashikueshme.
Krasniqi tha se që nga 15 prilli ka pasur shkelje të vazhdueshme të seancave të Kuvendit nga ana e LVV-së, dhe kjo vazhdon edhe sot.
“Kjo është përtej talljes me shtetin dhe këtë nuk do ta harrojnë qytetarët,” tha Krasniqi, duke shtuar se kjo sjellje është e rrezikshme.
