Policia e Kosovës ka arrestuar sot në Prizren një personi të kërkuar me vendim gjyqësor për vepra penale të vjedhjes dhe vjedhjes grabitqare.
Sipas njoftimit zyrtar, njësia e Ndërlidhjes me Gjykatën pranë Stacionit Policor në Prizren–Veri, pas veprimeve operative dhe hetimore, ka ekzekutuar urdhër-arrestin e lëshuar nga Gjykata Themelore e Prizrenit ndaj të kërkuarit B.S. (36 vjeç), banor i fshatit Malësi e Re, Komuna e Prizrenit.
I arrestuari ka qenë në kërkim aktiv, pasi gjykata kishte nxjerrë vendim të formës së prerë, me të cilin ai ishte dënuar me katër (4) vite e 100 ditë burgim efektiv për veprat penale “Vjedhje” dhe “Vjedhje grabitqare”.
Pas arrestimit, i dënuari është dërguar në institucionin korrektues për vuajtjen e dënimit.
Policia e Kosovës thekson se mbetet e përkushtuar në zbatimin e urdhrave gjyqësorë dhe në garantimin e sigurisë publike.
