Kryetari i Aleancës për Shqiptarët, Arben Taravari, sot (e martë) do të qëndrojë për vizitë në Kosovë.
Ai do të takojë krerët shtetërorë dhe liderët e partive politike.
Taravari në Prishtinë do të pritet nga presidentja Vjosa Osmani, Kryeministri Albin Kurti, kryetari i PDK-së, Memli Krasniqi e ai i LDK-së, Lumir Abdixhiku.
Takimet i kanë konfirmuar nga kabineti i Taravarit, prej ku thonë se do të bisedohet kryesisht për zhvillimet e fundit politike dhe rajonale, si dhe temat me interes të përbashkët.
Pas vizitës në Prishtinë, Taravari do të udhëtojë për në Tiranë ku do të takojë kryeministrin e Shqipërisë, Edi Rama.
Ky takim mbahet në kuadër të darkës që ka organizuar për liderët e partive shqiptare nga Maqedonia e Veriut e ku në fokus do të jenë ndrysimet kushtetuese në këtë shtet.
