Policia e Kosovës ka bërë të ditur se ka kryer bastisje në shtëpinë e Top Kolshit, i dyshuar për vrasjen e Enver Bajraktarit, që ndodhi më 3 gusht në Baicë të Lipjanit.
“Pas hetimeve te vazhdueshme lidhur me rastin, më 03.09.2025 bazuar në urdhëresën e gjykatës është kryer bastisje në shtëpinë e të dyshuarit ku është gjetur dhe sekuestruar një pushkë gjysmë automatike”, thuhet në raportin 24-orësh.
Më 13 gusht Gjykata Themelore në Prishtinë ia ka caktuar 30 ditë paraburgim Kolshit. Pasi u arrestua, ai në prokurori e pranoi fajin për vrasjen e Bajraktarit, trupi i të cilit u gjet i fshehur e groposur brenda një are me misër.
