Dy oficerë policie u vranë dhe një tjetër u plagos në një sulm të armatosur në një stacion policie në Izmir , në Turqinë perëndimore , njoftuan sot burime të sigurisë.
Sulmuesi, që besohet të jetë 16 vjeç, dyshohet se hapi zjarr ndaj stacionit të policisë në lagjen Baltsova. Sipas rrjetit televiziv privat NTV, ai është arrestuar.
Ministri i Brendshëm turk, Ali Yerlikaya, postoi në rrjetet sociale në lidhje me sulmin, duke thënë se dy oficerë policie u vranë dhe dy të tjerë u plagosën, njëri në gjendje të rëndë.
Në të kaluarën, Turqia ka qenë shënjestër e sulmeve nga rebelët kurdë, organizatat islamike dhe grupet e ekstremit të majtë, ku shpesh shënjestrohen forcat e sigurisë.
Imazhet e transmetuara nga rrjetet televizive turke tregojnë forcat e sigurisë që kanë rrethuar zonën përreth stacionit të policisë.
Videoja e filmuar nga një dëshmitar okular i sulmit dhe e transmetuar nga mediat turke tregon një të ri që mban një pushkë gjuetie dhe largohet me nxitim nga vendi i sulmit.
“E dënoj këtë sulm të shëmtuar ndaj Stacionit të Policisë Salih Izgoren në Balçovë”, shkroi Cemil Tugay, kryebashkiaku i Izmirit, në H.
