Presidenti i Rumanisë, Nicusor Dan, ka akuzuar Rusinë se po sillet në mënyrë agresive, duke sfiduar arritjen e paqes dhe duke thënë se kjo duhet të ndalet.
“Rusia ka treguar edhe një herë, me shkeljen flagrante të hapësirës ajrore polake mbrëmë, se po sillet në mënyrë agresive, duke testuar vazhdimisht kufijtë tanë dhe duke sfiduar të gjitha përpjekjet tona për të arritur paqen. Kjo është e papranueshme. Rusia duhet të ndalet dhe të ushtrohet presion që të ulet në tryezën e negociatave”, tha Presidenti rumun Nicușor Dan.
“Rumania shpreh solidaritet të plotë me Poloninë, aleatin dhe partnerin tonë strategjik. Ne jemi të bashkuar në bërjen e NATO-s, dhe veçanërisht krahut lindor të Aleancës nga Baltiku në Detin e Zi, më të sigurt. Ne gjithashtu do të vazhdojmë t’i ofrojmë mbështetje të plotë Ukrainës dhe popullit të saj të guximshëm, i cili është i ekspozuar ndaj sulmeve të pamëshirshme çdo ditë”, shtoi Dan.
