Presidenti i SHBA-së, Donald Trump, i shoqëruar nga bashkëshortja e tij Melania, zbarkoi sot me helikopterin Marine One dhe mbërriti në Kështjellën Windsor, ku u pritën nga Princi dhe Princesha e Uellsit.
Reklamë
Menjëherë pas kësaj, presidenti amerikan dhe zonja e parë u përshëndetën nga Mbreti Charles dhe Mbretëresha Camilla, duke filluar zyrtarisht një protokoll shtetëror të mbushur me ceremoni.
Trump më pas shtrëngoi duart me Mbretin Charles dhe të dy burrat e shtetit vazhduan bisedën e tyre jashtë kështjellës, ndërsa Melania Trump, Mbretëresha Camilla dhe Princesha e Uellsit zhvilluan një bisedë të veçantë.
Në një platformë ceremoniale të shtruar mbi një qilim të kuq, Trump qëndroi përkrah Mbretit Charles, ndërsa një bandë ushtarake luajti këngën “Stars and Stripes”. Skena ofronte një pamje të radhëve të rojeve të veshura në mënyrë perfekte me kapele lëkure ariu, kështjellës madhështore dhe lëndinës së kuruar me kujdes.
Ceremonia përfundon me një drekë të përbashkët brenda mureve të kështjellës, ku bisedat do të vazhdojnë në një atmosferë private.
