Një qytetar me inicialet R.V. ka dorëzuar në Policinë e Kosovës në Prishtinë një shumë parash që kishte gjetur në rrugë.
Menjëherë pas gjetjes, qytetari njoftoi autoritetet dhe dorëzoi shumën prej 260 eurosh, duke treguar shembull të lartë ndershmërie dhe përgjegjësie qytetare.
Drejtoria e Policisë së Kryeqytetit vlerëson lartë këtë gjest human dhe falënderon qytetarin për veprimin e tij. Policia gjithashtu shpreh mirënjohje për të gjithë qytetarët që bashkëpunojnë dhe tregojnë besim të vazhdueshëm në institucionet e sigurisë.
