Njësitë doganore në Pikën e Kalimit Kufitar të Aeroportit Ndërkombëtar të Prishtinës kanë ndaluar një udhëtar gjatë një kontrolli rutinë, ku pas skanimit të bagazhit është identifikuar sasi e konsiderueshme mallrash të padeklaruara.
Gjatë kontrollit fizik të bagazhit, zyrtarët doganorë kanë gjetur 92 copë produkte kozmetike, të cilat nuk ishin deklaruar sipas rregullave ligjore për deklarimin e mallrave të bartura nga udhëtarët.
Sipas Doganës së Kosovës, kjo sasi tejkalon kufirin e lejuar për përdorim personal, dhe për rrjedhojë, kërkon deklarim të detyrueshëm dhe pagesë të detyrimeve doganore përkatëse.
Mallrat janë ndaluar përkohësisht, ndërsa ndaj udhëtarit janë duke u zhvilluar procedurat ligjore.
