Aktorja australiano-amerikane Nicole Kidman dhe muzikanti Keith Urban janë divorcuar pas 19 vitesh martesë, konfirmoi Page Six.
“Ndonjëherë marrëdhëniet thjesht marrin rrugën e tyre”, tha një burim për Page Six, duke shtuar se Kidman nuk donte të divorcohej dhe u përpoq ta shpëtonte martesën.
TMZ raportoi se çifti ka jetuar ndaras që nga fillimi i verës së këtij viti. Vajzat e tyre Sunday Rose dhe Faith Margaret jetojnë me të.
“Ajo po e mban familjen të bashkuar gjatë kësaj kohe të vështirë që kur Keith është larguar”, tha burimi, duke iu referuar faktit se ai është aktualisht në turne.
Në qershor, Keith Urban ndërpreu një intervistë në Zoom pasi një gazetar e pyeti se çfarë mendonte për skenat intime që Kidman filmoi me Zac Efron për filmin “A Family Affair”, të cilat nxitën thashethemet për divorcin e tyre.
Ata u takuan në vitin 2005 dhe u martuan në qershor të vitit 2006. Ajo ishte e martuar më parë me Tom Cruise, me të cilin ka një vajzë, Bella, dhe një djalë, Connor.
