Policia e Kosovës, Drejtoria Rajonale në Prizren ka arrestuar një person të dyshuar për vjedhjen e një automjeti në fshatin Vlashnjë të Prizrenit.
Rasti ishte raportuar më 28.09.2025, rreth orës 09:20, kur ankuesi kishte njoftuar se automjeti i tij i tipit VW Fugon, ngjyrë e bardhë, ishte zhdukur nga hapësira e kompanisë ku ishte parkuar. Menjëherë pas raportimit, njësitë policore përkatëse kanë dalë në vendin e ngjarjes dhe me urdhër të Prokurorit të Shtetit kanë iniciuar rastin.
Pas veprimeve të shpejta dhe intensive hetimore, është identifikuar dhe arrestuar i dyshuari, i cili kishte qenë i ndaluar edhe më parë për raste të ngjashme të vjedhjes së motoçikletave. Me aktvendim të Prokurorit të Shtetit, ai është ndaluar për 48 orë.
Automjeti i vjedhur është gjetur në qytetin e Prizrenit dhe tashmë i është kthyer pronarit të tij.
Policia e Kosovës, në bashkëpunim me Prokurorinë, do të procedojë me kallëzim penal ndaj të dyshuarit për veprën penale “Vjedhje”.
