Në Amfiteatrin e Madh të Bibliotekës Kombëtare të Kosovës, sot prej orës 13:00, do të mbahet një ngjarje përkujtimore dedikuar figurës së shquar letrare dhe kombëtare, Jusuf Gërvalla.
Shënimi i 80-vjetorit të lindjes së Jusuf Gërvallës – poetit, këngëtarit, gazetarit, publicistit dhe veprimtarit të shquar të çështjes shqiptare, organizohet nga Ministria e Kulturës, Rinisë dhe Sportit, në bashkëpunim me Bibliotekën Kombëtare të Kosovës dhe Teatrin Kombëtar të Kosovës.
Jusuf Gërvalla ishte dhe mbetet frymëzim, dritë dhe thirrje për liri, përmes fjalës, vargut dhe veprimit.
