Në Rusi është shfaqur një modë për kostumet popullore, veçanërisht kokoshnikun, dhe kjo e kënaq Presidentin Vladimir Putin, pasi sinjalizon një fitore ideologjike ndaj Perëndimit. Vetë Putini e njoftoi këtë gjatë fjalimit të tij në Forumin Valdai.
“Kohët e fundit më thanë se po shohim një ringjallje të kësaj tradite ruse ku vajzat veshin kokoshnikë dhe kostume ruse në evente ose për të kaluar kohë në bare e kështu me radhë. E dini, kjo nuk është shaka. Jam shumë i lumtur për këtë. Pse? Sepse kjo do të thotë që pavarësisht të gjitha përpjekjeve të tyre për të korruptuar shoqërinë ruse nga brenda, kundërshtarët tanë nuk po arrijnë asnjë rezultat; përkundrazi, po marrin efektin e kundërt”, tha Putin në Forumin Valdai.
“Fakti që ata kanë një mbrojtje të tillë të brendshme kundër çdo përpjekjeje për të ndikuar në vetëdijen publike nga brenda – ata kanë një mbrojtje të tillë të brendshme – është shumë mirë. Kjo flet për pjekurinë dhe forcën e shoqërisë ruse”, vuri në dukje Putin.
