Sanksionet amerikane kundër Industrisë Serbe të Naftës (NIS) do të hyjnë në fuqi më 9 tetor në orën 6 të mëngjesit.
Mediat serbe raportojnë se sanksionet do të shtyhen vetëm nëse arrihet një marrëveshje në afat të shkurtër.
NIS ka kërkuar një shtyrje të re të sanksioneve nga SHBA-të, por deri më tani nuk ka indikacione se kjo mund të ndodhë.
Presidenti serb Aleksandar Vuçiç foli gjithashtu sot për sanksionet, duke deklaruar se nuk ka mbetur asgjë për të negociuar me amerikanët.
“Shpresoj që kompania të mos pushojë nga puna një numër të madh punëtorësh, por do ta shohim. Sidoqoftë, do të flasim me rusët për gjithçka, sepse tani nuk kemi më asgjë për të folur me amerikanët. SHBA-të e kanë bërë punën e tyre, Evropa do t’i mbështesë sanksionet. Jam mjaft i sigurt se pas një kohe të shkurtër, JANAF do të ndalojë edhe furnizimin me naftë”, tha Vuçiç.
