Drejtoria për Hetimin e Trafikimit me Narkotikë në Gjakovë ka sekuestruar 5 kilogramë e 43 gramë marihuanë dhe ka arrestuar një person të dyshuar për veprën penale të blerjes, posedimit, shpërndarjes dhe shitjes së paautorizuar të narkotikëve.
Pas pranimit të informatave operative, njësitet policore në bashkëpunim me stacionin policor në Gjakovë, kanë ndërmarrë veprime të menjëhershme duke realizuar kontroll në pronën e të dyshuarit, ku janë gjetur dhe sekuestruar: 5043 gramë substancë e dyshuar narkotike e llojit marihuanë, 40 euro para të gatshme dhe një telefon mobil.
Me urdhër të prokurorit kompetent, i dyshuari është ndaluar për 48 orë dhe ndaj tij është iniciuar rasti për veprën penale të lartpërmendur.
