Lëvizja Vetëvendosje fushatën elektorale e ka vazhduar në qytetin e Vushtrrisë. Në këtë qytet, lideri i LVV-së, Albin Kurti, i dha përkrahje kandidatit për kryetar të LVV-së, Sylejman Mehollit, për të cilin tha se është njeri i cili i njeh hallet e qytetarëve, derisa premtoi vazhdimin e investimeve në fusha të cilat e përmirësojnë jetën e qytetarëve.
Kurti në Vushtrri, me Mehollin kryetar komune premtoi 6 çerdhe te reja, shëndetësi moderne me laborator funksional e përkrahje të sapolindurve por edhe investime në infrastrukturë.
Kurti në Vushtrri kërkoi votë për Mehollin në të dielën e 12 tetorit. “Me Vushtrrinë e cila e bënë të parin e komunës Sylejman Mehollin, uji i pijshëm dhe infrastruktura janë themeli. Rrjeti i ujësjellësit do të shtrihet në mandatin e ardhshëm, çdo projekt që përmirëson jetën e qytetarëve është prioritet. Transporti publik është investim që lehtëson jetën e qytetarëve, mësim gjithëditor, profile të reja profesionale, gratë dhe fëmijët, startup, gratë që fuqizojnë ekonominë, impiantin, rrugën për Bajgorë, zonat rekreative, programi fshati modern”, tha Kurti.
Kurse Sylejman Meholli, kandidat për kryetar të Vushtrrisë, premtoi para përkrahësve përkushtim në përmirësim në jetën e tyre përmes zhvillimit të këtij qyteti për të cilin tha se ka potencial për zhvillim për çka tha se vjen me një program prej 10 Fushave, për realizimin e projektit me ujë të pijshëm Meholli u zotua para bashkëqytetarëve të tij.
“Qeverisja jonë lokale do të vë në zhvillim potencialin e Vushtrrisë për zhvillimin e Vushtrrisë, lista jonë është e profesionistëve, të cilët përfaqësojnë vlera dhe jo veç numra.. Një program i përpiluar me kujdes që do ta ndryshoj Vushtrrinë, qeverisja jonë do të jetë qeverisje transparente bashkë me qytetarët ” Mbështetje për gratë, vajza e rininë për subvencionim të bizneseve të udhëhequra prej grave me fond pre 1 milion euro për ketë kategori, aftësimin dhe përgatitjen profesionale, si mundësi për punësim brenda qytetit të Vushtrrisë. Ndërtimi i qendrës së zejtarëve tek prona e stacionit të autobusëve, nuk do të lejojmë që pronat publike të keqpërdorën, me mua kryetar ju siguroj e ju zotohem që projektime furnizimin me ujë do të përfundoj njëherë e përgjithmonë e mire. Ne e bëjmë realitet stacionin e autobusëve”, tha ai.
Sylejman Meholli nga LVV kandidon për kryetar komune me listën prej 34 kandidatëve për asamble komunale në këtë qytet.
