Një grua 29-vjeçare u vra në shtëpinë e saj në Milano nga një burrë 52-vjeçar, i cili tani ndodhet i shtruar në gjendje të rëndë në Spitalin Niguarda.
Ai u përpoq të vriste veten pasi e theri viktimën, por jeta e tij nuk është në rrezik. Burri u arrestua për vrasje të rëndë me urdhër të prokurores në detyrë, Alessia Menegazzo.
Ngjarja ndodhi vonë mbrëmjen e djeshme në Via Iglesias, në lagjen Gorla, në periferi veriore të Milanos . Fqinjët telefonuan numrin 112, të alarmuar nga britmat që vinin nga një apartament në numrin 33. Makinat e policisë dhe paramedikët e numrit 118 mbërritën në vendngjarje, por nuk mund të bënin asgjë për gruan.
