John Bolton, ish-këshilltari i sigurisë kombëtare i Donald Trump, u ngarkua me tetë akuza për transmetim dhe 10 akuza për mbajtje të informacionit të mbrojtjes kombëtare, të gjitha në shkelje të Aktit të Spiunazhit. Akuzat vijnë pas hetimeve mbi mënyrën se si Bolton ka ndarë informacion të klasifikuar me persona të paautorizuar gjatë viteve të tij në shërbim qeveritar.
John Bolton, ish-këshilltari i sigurisë kombëtare i Donald Trump, u akuzua të enjten për keqmenaxhimin e informacionit të klasifikuar, duke shënuar herën e tretë në javët e fundit që Departamenti i Drejtësisë ngriti akuza ndaj njërit prej kritikëve të presidentit republikan.
Bolton akuzohet me tetë akuza për transmetim dhe 10 akuza për mbajtje të informacionit të mbrojtjes kombëtare, të gjitha në shkelje të Aktit të Spiunazhit. Çdo akuzë dënohet me deri në 10 vjet burg, por dënimi do të vendoset nga gjyqtari, shkruan Reuters.
Ish-këshilltari ka ndarë mbi një mijë faqe informacioni me dy persona të paautorizuar nga prilli 2018 deri në gusht 2025. Informacioni përfshinte të dhëna nga takimet me zyrtarë të lartë qeveritarë, diskutime me udhëheqës të huaj dhe përmbledhje inteligjence.
Prokurorët thanë se një “aktor kibernetik” i lidhur me qeverinë iraniane hakuar postën personale të Bolton pas largimit të tij nga shërbimi qeveritar, ndërsa një përfaqësues i tij e njoftoi qeverinë për këtë sulm, por nuk raportoi se kishte ruajtur informacion të klasifikuar në email.
Akuzat ndaj Bolton vijnë pak kohë pasi Departamenti i Drejtësisë ngriti akuza edhe ndaj ish-drejtorit të FBI-së James Comey dhe Prokurorës së Përgjithshme të Nju Jorkut Letitia James, të cilët gjithashtu kishin kundërshtuar më parë Trumpin.
Rasti ndaj Bolton po udhëhiqet nga Zyra e Prokurorit të SHBA-së në Maryland, e cila po heton edhe senatorin demokrat Adam Schiff për mundësinë e mashtrimit me hipotekë. Schiff ka mohuar çdo shkelje dhe nuk është akuzuar.
