Rusia po përgatitet të prezantojë tekste shkollore të gjuhës dhe letërsisë që synojnë promovimin e “patriotizmit” dhe “vlerave shpirtërore dhe morale” midis studentëve, thanë autorët e materialeve të reja në një seancë të Këshillit të Federatës të enjten.
Moska ka shtuar përpjekjet për të imponuar pikëpamjen e saj për historinë dhe politikën globale në shkolla që kur nisi një pushtim të plotë të Ukrainës në vitin 2022, duke futur klasa të detyrueshme patriotike dhe duke rishikuar kurrikulat e historisë për t’u përafruar me narrativat e luftës të Kremlinit,raporton portali rus MT.
Po atë ditë, Ministri i Arsimit i Serbisë, Dejan Vuk Stanković, në prezantimin e librit kombëtar të leximit “Rrënjë dhe krahë” për klasën e tretë dhe të katërt të shkollës fillore, tha se ky botim nuk është vetëm një pjesë e rëndësishme në procesin e përvetësimit të njohurive të nxënësve, por ka edhe një kuptim më të thellë
Libri kombëtar i leximit është, siç u tha, një mjet mësimor i detyrueshëm, i cili, përmes përmbajtjeve të përzgjedhura me kujdes, inkurajon zhvillimin e “identitetit kombëtar, kulturës, shkrim-leximit gjuhësor dhe ndjenjës së përkatësisë tek nxënësit”.
Libri shkollor i gjuhës ruse, i cili tani është në fazat e fundit të zhvillimit, është hartuar për të siguruar “vazhdimësi” me lëndë të tjera si historia, letërsia dhe shkencat shoqërore, tha Yelena Yerokhina, drejtuese e departamentit të retorikës dhe kulturës së të folurit në Universitetin Shtetëror Pedagogjik të Moskës (MPGU), sipas shkrimit të The Moscow Times të medias ruse në mërgim, Agentsvo.
Ajo deklaroi se qëllimi i projektit nuk është të trajnojë “teoricienë gjuhësorë”, por “qytetarë të shkolluar që kujdesen për ruajtjen dhe zhvillimin e gjuhës ruse”.
“Qasja jonë ndaj të mësuarit të gjuhës ruse është patriotike dhe e orientuar drejt kombit”, shtoi Yerokhina.
Viktor Chertov, kreu i departamentit të metodologjisë së mësimdhënies së letërsisë në MPGU dhe udhëheqës i ekipit që po zhvillon tekstin e ri shkollor të letërsisë, tha se koncepti bazohet në “mbështetjen në traditat tona”.
“Sigurisht, kjo pasqyron atë që thuhet në dekretin presidencial. Detyra jonë kryesore është të forcojmë vlerat tradicionale shpirtërore dhe morale ruse, dhe letërsia si lëndë ofron material të pasur për këtë”, tha Chertov.
Tekstet e reja shkollore do të përmbajnë për herë të parë veprat e Aleksandër Pushkinit në çdo klasë, si dhe kapituj mbi Luftën e Dytë Botërore dhe një “hartë letrare të Rusisë”.
Këto tekste shkollore janë pjesë e një reforme më të gjerë arsimore që synon standardizimin e materialeve mësimore për të gjitha lëndët, një plan i njoftuar më parë nga Ministri i Arsimit Sergey Kravtsov.
Tekstet e para të standardizuara të gjuhës dhe letërsisë ruse për klasat 10 dhe 11 duhet të futen në shkolla deri më 1 shtator 2027, ndërsa ato për klasat fillore dhe të mesme priten në vitin 2028.
të ndërtimit të vetëdijes kombëtare dhe kontekstit bashkëkohor të identitetit kombëtar-arsimor të popullit serb.
Ju kujtojmë se propozimi për ndryshime ligjore në Serbi përcakton që botuesi shtetëror Instituti i Teksteve Shkollore të botojë tekste shkollore me rëndësi kombëtare për disa lëndë në shkollën fillore: gjuha dhe letërsia serbe, bota përreth nesh, natyra dhe shoqëria, historia, gjeografia, kultura muzikore dhe artistike.
Është planifikuar që përdorimi i teksteve shkollore me rëndësi kombëtare në Serbi të fillojë nga viti shkollor 2026/27 për nxënësit e klasave të para dhe të pesta dhe të futet në fuqi në mënyrë të njëpasnjëshme për klasat e tjera në tre vitet e ardhshme shkollore.
Rusia më parë prezantoi një libër shkollor të vetëm historie të miratuar nga shteti, të redaktuar nga këshilltari i Putinit, Vladimir Medinsky.
Libri shkollor përmban citate nga Presidenti Vladimir Putin dhe kapituj mbi temat e zakonshme të propagandës ruse, duke përfshirë “presionin e SHBA-së mbi Rusinë”, “nazizmin ukrainas”, “kthimin e territoreve historike” dhe “falsifikimin e historisë”.
