Festa bamirëse e Muzeut të Akademisë u mbajt në Los Angeles të shtunën, ku u mblodhën yje të shumtë nga bota e filmit, muzikës dhe artit. Ndër të ftuarit më të spikatur ishin Demi Moore, Eva Longoria dhe Penelope Cruz, të cilat tërhoqën vëmendjen me paraqitjen e tyre në tapetin e kuq, duke tejkaluar shumë kolege më të reja.Mbrëmja gala është një manifestim tradicional vjetor dhe ngjarje humanitare e organizuar nga Muzeu i Filmit i Akademisë në Los Angeles, dhe këtë vit morën pjesë 56 personazhe të famshëm, përfshirë Demi Moore.
Përveç mbërritjeve mahnitëse në tapetin e kuq, gjatë mbrëmjes u ndanë edhe çmime të shumta. Penelope Cruz mori çmimin prestigjioz Icon Award këtë vit, ndërsa Bruce Springsteen, Bowen Yang dhe regjisori Walter Salles morën gjithashtu çmime.
Demi Moore (62) mbërriti në event me një fustan të bukur ngjyrë burgundy me një dekolte të thellë, dhe e kompletoi stilin e saj me një gjerdan diamanti.
Eva Longoria (50) shkëlqeu me një fustan të mrekullueshëm rozë. Ky model me shkëlqim ia theksonte në mënyrë të përkryer format dhe dekoltenë e thellë.Penelope Cruz (51) u shfaq me një fustan të ngushtë dhe të shndritshëm që ia theksonte format e trupit. Aktorja spanjolle dukej perfekte.Gala e së shtunës ishte një festë e vërtetë plot yje, ku aktorë, muzikantë, regjisorë dhe njerëz të tjerë krijues u mblodhën në Teatrin Ted Mann të Muzeut të Filmit të Akademisë. Ndër kryetarët e mbrëmjes gala ishin Jon M. Chu, Viola Davis, Robert Downey Jr. dhe Jennifer Hudson.Drejtoresha dhe Presidentja e Muzeut të Akademisë, Amy Homma, lëshoi një deklaratë mbi ceremoninë: “Gala e Muzeut të Akademisë është një mbrëmje e veçantë kushtuar bashkimit të individëve që mbështesin festimin, përparimin dhe ruajtjen e filmit. Ndërsa shënojmë vitin tonë të pestë, jemi të nderuar të nderojmë Penelope Cruz, Walter Salles, Bruce Springsteen dhe Bowen Yang – rrëfimtarë, ndikimi i të cilëve gjen jehonë në film dhe më gjerë. Jemi mirënjohës ndaj sponsorëve themelues të muzeut, përfshirë partnerin tonë themelues Rolex, për angazhimin e tyre të gjatë ndaj kinemasë, si dhe kryetarit tonë për organizimin e këtij eventi të rëndësishëm”.
