Presidenti i Serbisë, Aleksandar Vuçiç, ka paralajmëruar një fjalim të jashtëzakonshëm në orën 13:00 për shkak të zjarrit dhe të shtënave pranë Parkut Pionirski, pra pranë të ashtuquajturit “Ćaciland”.
Këtë mëngjes pati të shtëna me armë në “Ćaciland” në Beograd, dhe më pas disa tenda u përfshinë nga flakët.
Le t’ju kujtojmë se i ashtuquajturi “Ćacilend” i referohet zonës së Parkut Pionirski ku ndodhen “Studentët që duan të mësojnë”, një grup studentësh të afërt me Partinë Progresive Serbe në pushtet.
Ata e përshkruan ngritjen e tendave dhe kampingut në park si një reagim ndaj protestave të studentëve në të gjithë Serbinë dhe bllokadave të fakultetit.
Zona “Ćaciland” ishte nën mbrojtje të vazhdueshme të policisë në Beograd, dhe atje vinin zyrtarë të lartë të partisë së SNS-së, si dhe anëtarë të familjes së Presidentit të Serbisë, Aleksandar Vuçiç.
Në një nga videot që qarkullojnë në rrjetet sociale, dëgjohet diçka që ngjan me të shtëna me armë zjarri.
