Ministria e Kulturës, Rinisë dhe Sportit ka bërë me dije se rruga “Marin Barleti” në Prizren po rijetësohet me karakterin e saj historik.
Sipas njoftimit nga ky institucion, punimet restauruese në këtë pjesë të Qendrës Historike të Prizrenit janë drejt përfundimit. Me kujdes të veçantë po ruhen vlerat e trashëgimisë kulturore, ndërsa ndërtesat po përgatiten për rishfrytëzim dhe funksionalizim.
“Pas përfundimit të plotë të projekteve, rruga “Marin Barleti” do të shndërrohet në një nga hapësirat më atraktive të qytetit, një shembull i gjallë se si trashëgimia kulturore mund të jetë burim zhvillimi dhe mirëqenieje”, thuhet në njoftim.
