Ministrja në detyrë e Punëve të Jashtme dhe Diasporës, Donika Gërvalla ka uruar Kosovën për njohjen e pavarësisë nga Siria.
Në reagimin e saj, ministrja Gërvalla ka shprehur mirënjohje për presidenten Osmani për punën dhe përkushtimin në forcimin e pranisë ndërkombëtare të Kosovës, shtetit të Sirisë dhe Presidentit al-Sharaa për këtë vendim, si dhe aleatëve në Arabinë Saudite për kontributin në këtë sukses diplomatik.
“Çdo ditë, Republika e Kosovës po bëhet më e fortë dhe më e respektuar në skenën ndërkombëtare. Në këtë frymë, mezi presim ndërtimin e marrëdhënieve të qëndrueshme diplomatike dhe bashkëpunimin konkret me Sirinë në fusha me interes të ndërsjellë. Urime Kosovë”, ka shkruar Gërvalla.
