Forcat izraelite bastisën një qytet në Libanin jugor gjatë natës, duke vrarë një zyrtar në ndërtesën komunale, raportoi dje media lokale, raporton Anadolu.
Agjencia shtetërore e lajmeve NNA raportoi se trupat izraelite hynë në qytetin Blida, në distriktin Marjayoun, duke përdorur automjete ushtarake dhe fuoristradë dhe përparuan pothuajse një kilometër brenda territorit libanez, në atë që e quajti një “sulm të rrezikshëm dhe të pashembullt”.
Ushtarët izraelitë sulmuan ndërtesën e komunës Blida rreth orës 1:30 të mëngjesit (23:30 GMT) dhe vranë një punonjës të komunës.
Izraeli pa koment
Banorët në zonë raportuan se dëgjuan britma për ndihmë nga ndërtesa derisa forcat izraelite u tërhoqën rreth orës 4 të mëngjesit sipas orës lokale.
Sipas raportit të agjencisë, ushtria libaneze transportoi trupin e oficerit të vrarë në spital pas tërheqjes së trupave izraelite.
Nuk ka pasur asnjë koment zyrtar nga ushtria izraelite mbi raportet e medias.
