Kryetari i Bordit Menaxhues të WB6 Chamber Investment Forum, Lulzim Rafuna, dhe Sekretari i Përgjithshëm, David Piegazki, zhvilluan një takim frytdhënës me përfaqësuesit e Ministrisë Federale për Çështje Ekonomike dhe Energji të Gjermanisë, Jonas Kraeusel dhe Sascha Fuzul.
Takimi u fokusua në ngritjen e një partneriteti afatgjatë mes WB6 CIF dhe Ministrisë; mundësitë për mbështetje të mëtejshme teknike dhe reduktimin e barrierave tregtare ndërmjet vendeve të Ballkanit Perëndimor dhe shteteve anëtare të BE-së – një hap i rëndësishëm drejt integrimit ekonomik rajonal.
“Ministria vlerësoi qasjen e strukturuar të Forumit, përmes aktiviteteve në kuadër të Procesit të Berlinit, Road Map-it dhe Final Proposal, si një shembull konkret për forcimin e bashkëpunimit dhe afrimin e rajonit me Tregun e Vetëm Evropian. Falënderim i veçantë për ekipin e WB6 CIF për dialogun konstruktiv dhe përkushtimin në krijimin e rrugëve të reja të bashkëpunimit ekonomik”, njofton Oda Ekonomike e Kosovës.
