Tre persona u vranë dhe 13 të tjerë u plagosën nga një shpërthim municioni në rajonin Belgorod të Rusisë, njoftoi të dielën agjencia e lajmeve RIA Novosti.
Autoritetet thanë se dhjetë ushtarë rusë u plagosën nga shpërthimi në një qendër kulturore në rajonin Belgorod, i cili kufizohet me Ukrainën dhe është vendndodhja e disa bazave ushtarake ruse dhe terreneve stërvitore.
Kanalet “112” dhe “Baza Telegram”, të cilat janë të lidhura me agjencitë ruse të zbatimit të ligjit, thanë se të vdekurit dhe të plagosurit ishin rekrutët rusë të cilët u thirrën për të luftuar në Ukrainë.
Ata raportuan se shpërthimi ndodhi pasi një ushtar keqpërdori një granatë në një qendër kulturore lokale që ishte shndërruar për të ruajtur municione, shkruan Euronews.
