Në lagjen Dardania në Prishtinës, Lidhja Demokratike e Kosovës e mbajti tubimin elektoral për zgjedhjet lokale të balotazhit. Kryetari i kësaj partie, Lumir Abdixhiku, tha se me qeverisjen e partisë që drejton, kjo lagje do t`i ketë investimet e nevojshme.
Ai u shpreh i bindur se kësaj here, puna e Përparim Ramës, kandidatit për kryetar të komunës dhe stafit të tij, do të marrin rezultatin meritor, që është fitorja.
Kandidati për kryetar të Prishtinës nga LDK-ja, Përparim Rama, tha se për katër vitet e qeverisjes së tij, është investuar në infrastrukturë dhe arsim.
Ai premtoi tha se në mandatin e ardhshëm të gjitha shkollat do të bëhen me mësim tërë ditor, duke mundësuar kështu, sipas tij, që fëmijët prishtinas të jenë të barabartë me ata të Evropës.
Rama, shtoi se do të vazhdojë investimet edhe në art e kulturë, ndërsa për ndërtesat e vjetra, premtoi rinovim, përfshirë edhe rregullimin e të gjitha fontanave në kryeqytet.
