Ministria e Kulturës, Rinisë dhe Sportit (MKRS) ka njoftuar se pas shumë vitesh braktisjeje dhe gjendjeje të rënduar fizike, punimet për restaurimin e ndërtesës së shkollës së parë shqipe janë duke vazhduar me përkushtim.
“E ndërtuar rreth vitit 1863, kjo ndërtesë është një monument me rëndësi të madhe historike, kulturore dhe shoqërore. Ajo simbolizon fillimet e arsimit në gjuhën shqipe në kryeqytet dhe dëshmon për përpjekjet e brezave për dije, arsim dhe zhvillim kombëtar”, thuhet në njoftim.
Përmes këtij projekti, MKRS po angazhohet në ruajtjen dhe ringjalljen e trashëgimisë sonë kulturore, duke i kthyer qytetit një pjesë të çmuar të historisë së arsimit shqiptar.
