“Aktakuza juaj përbëhet nga gënjeshtra që i keni shtrembëruar duke kërcënuar njerëzit, duke i mbajtur peng dhe duke i detyruar të shpifin”, denoncon kryebashkiaku i Stambollit Ekrem Imamoglu, i cili ndodhet në burg që nga marsi i kaluar, duke hedhur poshtë akuzat kundër tij.
Kujtojmë se prokurori Akin Gurlek paraqiti dje aktakuzën kontroverse prej rreth 3,900 faqesh, në të cilën ai propozon një dënim me burg prej 828 deri në 2,352 vjet për Imamoglun, të cilin e paraqet si “udhëheqësin e një organizate kriminale”. Në të njëjtin kontekst, megjithatë, prokurori kërkoi gjithashtu ndalimin e Partisë Republikane Popullore (CHP) në opozitë .
“Kjo aktakuzë është aq e paplotë saqë ka shkuar përtej shpifjeve të supozuara për korrupsion dhe ryshfet për të cilat ata kanë debatuar për muaj të tërë, dhe tani synon CHP-në, themeluesin e demokracisë sonë. Turp për ju. Aktakuza juaj përbëhet nga gënjeshtra që ju i shtrembëruat duke kërcënuar njerëz, duke i mbajtur peng dhe duke i ushtruar presion mbi ta për të shpifur”, tha Imamoglu.
