Policia e Kosovës ka njoftuar për dy raste të ndara të personave të zhdukur që janë raportuar në komunat e Obiliqit dhe Kamenicës.
Sipas raportit 24 orësh të Policisë , në Obiliq, një grua kosovare ka raportuar se bashkëshorti i saj është larguar nga shtëpia dhe prej asaj kohe nuk dihet vendndodhja e tij.
Me këtë rast, në konsultim me prokurorin kujdestar, është iniciuar rasti dhe hetimet kanë filluar.
Ndërkohë, në Kamenicë, një burrë ka njoftuar policinë se dy femra kosovare janë larguar nga shtëpia dhe nuk ka asnjë informacion për vendndodhjen e tyre.
Policia ka konfirmuar se rasti është në procedurë hetimore.
