Një incident i rëndë ndodhi në orët e para të mëngjesit në Rodos, kur një ose disa sulmues të panjohur hapën zjarr mbi banesën e një biznesmeni të njohur të dyqaneve të ushqimeve të shëndetshme.
Të shtënat rezultuan në dëmtime të dyerve të ballkoneve të shtëpisë, por nuk u raportua për të lënduar.
Incidenti u regjistrua pak pas orës 5:00 të mëngjesit të së enjtes, në zonën ku banon biznesmeni.
Autorët qëlluan disa herë drejt shtëpisë dhe, ndërsa largoheshin, lanë një kurorë të zezë në hyrjen kryesore.
Ky veprim shkaktoi trazirë tek banorët e lagjes, të cilët dolën nga shtëpitë e tyre sapo dëgjuan të shtënat.
Në vendngjarje mbërritën oficerët e policisë nga Nëndrejtoria e Hetimit dhe Ndjekjes Penale të Krimeve në Rodos, të cilët mblodhën gjithsej 14 gëzhoja nga kopshti i rezidencës dhe morën kurorën si provë.
Gjetjet janë dërguar për analiza laboratorike , me qëllim identifikimin e provave që do të çojnë te autorët e krimit.
Informacionet tregojnë se biznesmeni ishte kthyer në ishull dy ditë më parë dhe po hetohet nëse autorët e krimit ishin në dijeni të lëvizjeve të tij.
Policia po heton të gjitha të dhënat e mbledhura, me qëllim sqarimin e rastit.
