Një grua 34-vjeçare dhe vajza e saj 10-vjeçare, të cilat ishin zhdukur që nga korriku i vitit 2024, u gjetën të vdekura në një apartament në Innsbruck, Tirol austriak.
Sipas policisë, raporton APA, duket se është një vrasje. Dy burrat e dyshuar për krimin, një austriak 55-vjeçar dhe vëllai i tij 53-vjeçar, u arrestuan qershorin e kaluar dhe që atëherë kanë qenë në paraburgim, por trupat e gruas dhe vajzës janë gjetur vetëm tani.
Trupat e nënës dhe vajzës u gjetën në një frigorifer të madh të fshehur në një dhomë të largët depozitimi të një apartamenti në Innsbruck. Një nga dy vëllezërit e arrestuar ishte koleg pune i gruas dhe kishte pasur një lidhje jashtëmartesore me të, u zbulua në një konferencë për shtyp.
Kur nëna dhe vajza u zhdukën 16 muaj më parë pas një udhëtimi në Dyseldorf, hetuesit menjëherë dyshuan tek 55-vjeçari, pjesërisht për shkak të lëvizjeve të çuditshme në llogarinë e tij bankare. Ai dhe vëllai i tij, i cili zotëron apartamentin ku u bë zbulimi i tmerrshëm, kanë pranuar se i kanë fshehur trupat, por mohojnë vrasjen. Besohej se ishte një aksident. Shkaku i saktë i vdekjes nuk është përcaktuar ende për shkak të gjendjes së dy trupave.
