Kosova do ta ketë mundësinë të luftojë për kualifikim në Botërorin 2026 përmes “play off”, ku do të përballet me një nga katër kombëtaret: Poloni, Uells, Çeki ose Sllovaki.
Këto katër ekipe ndodhen në vazon e dytë për shortin e së enjtes, ndërsa Kosova është në vazon e tretë së bashku me Shqipërinë, Bosnjë-Hercegovinën dhe Irlandën.
Gjysmëfinalet e barazhit janë planifikuar më 26 mars, dhe Kosova do të luajë si mysafire në këtë rund. Në gjysmëfinale do të takohen gjithashtu përfaqësueset e vazos së parë me ato të vazos së katërt.
Në vazon e parë janë Italia, Danimarka, Turqia dhe Ukraina, ndërsa në vazon e katërt janë Suedia, Rumania, Maqedonia e Veriut dhe Irlanda e Veriut.
Finalet e “play off” do të zhvillohen më 31 mars, ku fituesit e gjysmëfinaleve nga vazot dy dhe tre do të takohen me fituesit nga vazot një dhe katër.
Nikoqirët e finaleve do të përcaktohen me short, duke e bërë shortin e së enjtes vendimtar për rrugëtimin e Kosovës drejt Botërorit.
