Uran Ismaili, deputet i Kuvendit të Kosovës nga radhët e PDK-së, pas ekspozeut të Konjufcës për kabinetin qeveritar, tha se kjo seancë është e pakuptimtë, ngase, sipas tij, nuk ka njeri që beson se Konjufca do të jetë kryeministër i vërtetë, derisa Kurti është zëvendës i tij.
Isamili tha se kjo seancë është farsë. Sipas tij, është i njëjti mentalitet që bllokohej Kuvendit me emrin e Albulena Haxhiut, derisa Kosovës i shtoheshin problemet e familjeve në Kosovë.
“Kosova ka hyrë në një mentalitet bllokues dhe arkitekt i këtij mentaliteti është vetë Kurti”, tha Ismaili.
Ismaili tha se PDK ka tentuar ta tejkalojë këtë situatë, teksa përmendi takimet e ish-kryetarit të PDK-së, Memli Krasniqi, me Kurtin, por, shtoi ai, kriza institucionale ka vazhduar.
Ai nënvizoi se Kurti interesohet se si ta fajësojë opozitën për këtë bllokadë institucionale.
“Konjufca është i marrë peng, që në krye të qeverisë të propozohet dikush që krejt Kosova e di që ky nuk është kryeministër në realitet”, tha Ismaili.
