Gjatë konferencës “Udhëtim në Botën e Inteligjencës Artificiale”, ai kujtoi se dikur ishte normale që njerëzit të jetonin 20, 30 ose 35 vjet. Më vonë, mosha mesatare në disa vende, por edhe në nivel global, filloi të rritet në 35, 45 dhe madje 50 vjet.
“Sot, në disa vende ka arritur në 80 vjet dhe ne po përpiqemi të arrijmë një mesatare të ngjashme. Diku është pak më e lartë për gratë dhe pak më e ulët për burrat. Madje po vendosim objektiva të qarta për rritjen e jetëgjatësisë mesatare. Dhe po bëjmë gjithçka siç duhet. Ndoshta mund të rritet në 150 vjet”, tha Putin.
Pastaj ai u bëri thirrje të gjithëve të kthehen te vlerat tradicionale.
“Mendoj se pyetja kryesore nuk është se sa vjet do të jetojmë, por si, pse dhe me çfarë qëllimi jetojmë. Vlerat tona tradicionale u përgjigjen këtyre pyetjeve”, shtoi presidenti rus.
Në shtator të këtij viti, udhëheqësi kinez Xi Jinping dhe presidenti rus Vladimir Putin në Pekin, në prag të paradës ushtarake me rastin e 80-vjetorit të përfundimit të Luftës së Dytë Botërore, diskutuan mundësitë e zgjatjes së jetës njerëzore me ndihmën e teknologjive moderne. Xi tha më pas:
“Sipas parashikimeve, në këtë shekull ekziston mundësia që njerëzit të jetojnë deri në 150 vjet.”
Putini është 72 vjeç. Mandati i tij i pestë presidencial zgjat deri në vitin 2030, por falë ndryshimeve kushtetuese në vitin 2020, ai mund të shërbejë një mandat të gjashtë dhe të qëndrojë në pushtet deri në vitin 2036.
