Aleksandër Çipa
Zgjedhjet e parakohshme në Kosovë janë jo një nevojë e kërkuar nga sovrani apo e imponuar nga realiteti. Janë për arsye teke politike dhe mungesë aftësie për të negociuar për interes vendi. Koston në zëra realë financiarë e shkaktuan si korifenj, katër politikanët kryesorë të vendit.
Fatkeqësisht do ta pësojë Republika dhe shtetasit e saj.
Zgjedhjet e parakohshme fatkeqësisht parashikohet të mos jenë një zgjidhje.
Nëse përafërsisht prodhohet i njëjti realitet postzgjedhjesh si ai aktual, me pak diferenca mandatesh parlamentare, cila do të jetë formula e koalicionit?
Do të shkojë VV në koalicion me PDK?!
Apo VV me dikënd tjetër?
Nëse po, cila është arsyeja që nuk shkuan më herët në koalicion pa shkaktuar një faturë të tillë kostoje politike dhe financiare?
Zgjedhjet e reja të 28 Dhjetorit, janë një datë zgjedhjesh që e shkaktoi dhe solli teka që nuk dëshmoi përgjegjësi politike dhe shtetndërtuese.
Zgjedhjet e parakohshme për Kosovën, janë një skemë komike si hise e një realiteti institucional dramatik.
Paskëtaj, udhëheqësit do të gëzojnë karakterizimin nolian: “Mos, se s’janë veç najada/ magjistrica dhe triada/“
