Kryetari i Partisë Demokratike të Kosovës, Bedri Hamza, ka deklaruar se qeveria e re që do të udhëhiqet nga kjo parti do të angazhohet që Bashkimi Evropian dhe shtetet anëtare t’i heqin sa më shpejt masat sanksionuese ndaj Kosovës, me qëllim që vendi të përfitojë nga projektet e përafrimit me BE-në.
Përmes një postimi në Facebook, Hamza ka bërë të ditur se këtë çështje dhe perspektivën evropiane të Kosovës e ka diskutuar gjatë një takimi me ambasadorin e BE-së në Kosovë, Aivo Orav.
Ai ka theksuar se mbetet i përkushtuar ndaj dialogut të hapur me partnerët ndërkombëtarë, duke theksuar se qëllimi mbetet një Kosovë më e zhvilluar dhe e integruar në familjen evropiane.
