Kryeministri Edi Rama deklaroi sot se “do ta ruajmë dhe mbështesim pavarësinë e gjyqësorit, do ta respektojmë pa kushte vendimin e pezullimit të zv/kryeministres dhe ministres së Infrastrukturës dhe Energjisë, Belinda Balluku dhe ndërkohë do të kërkojmë mbrojtjen e pavarësisë së funksionimit të cenuar të qeverisë vetëm tek drejtësia në Gjykatën Kushtuese”.

 

Kryeministri Rama tha se “pezullimi nga detyra i një ministri në këtë rast edhe zv/kryeministres drejtpërdrejt përgjegjës për drejtimin e qeverisë në mungesë të Kryeministrit është një tjetër shfaqje e pikërisht atyre dobësive që përmenda më lart dhe një pushteti krejt të ri dhe e reflekseve antidemokratike që përmenda po ashtu më lart”.