I pyetur nëse plani, i refuzuar nga udhëheqësit evropianë, ishte oferta e tij e fundit për t’i dhënë fund luftës me Rusinë, Trump u përgjigj: “Jo, nuk është oferta ime e fundit”.
“Ne do të donim të arrinim paqen. Duhet të kishte ndodhur shumë kohë më parë… Po përpiqemi ta përfundojmë. Në një mënyrë ose në një tjetër, duhet ta përfundojmë”, tha Trump.
Kur u pyet se çfarë do të ndodhte nëse Zelensky nuk e pranonte planin deri në afatin e së enjtes, Trump u përgjigj.
«Pastaj ai mund të vazhdojë të luftojë me gjithë fuqinë e tij», tha ai.
Komentet e Trump vijnë ndërsa delegacioni amerikan, i udhëhequr nga Sekretari i Shtetit Marco Rubio dhe i dërguari i Shtëpisë së Bardhë, Steve Witkoff, përgatitet të takohet me zyrtarë nga Kievi, Britania e Madhe dhe Evropa në Gjenevë.
Burime amerikane i thanë Axios se marrëveshja do të jetë një “bashkëpunim” midis SHBA-së, Ukrainës dhe Rusisë, dhe se marrëveshja mund të ndryshojë.
