Policia e Kosovës ka raportuar disa raste të dhunës në familje të ndodhura gjatë datave 24 dhe 25 nëntor 2025 në disa qytete të vendit.
Në Prishtinë dy persona, babë e bir (i mitur), janë arrestuar pasi që pas një mosmarrëveshjeje kanë sulmuar fizikisht njëri-tjetrin. Të dy kanë marrë trajtim mjekësor dhe pas intervistimit janë liruar në procedurë të rregullt.
Në Podujevë është iniciuar një rast dhune në familje ku i dyshuari ka sulmuar fizikisht bashkëshorten e tij. Viktima ka refuzuar trajtimin mjekësor, urdhrin mbrojtës dhe strehimoren, duke u kthyer me dëshirën e saj tek prindërit. I dyshuari ndodhet në arrati.
Në Prishtinë një burrë kosovar ka raportuar se është sulmuar fizikisht nga bashkëshortja e tij për motive ende të panjohura. Viktima ka marrë trajtim mjekësor.
Gjithashtu në një rast tjetër në Prishtinë një burrë është shoqëruar në stacionin policor pasi dyshohet se ka ushtruar dhunë psikike ndaj bashkëshortes së tij. Me vendim të prokurorit, pas intervistimit, palët janë liruar dhe rasti do të procedohet në procedurë të rregullt.
Në Pejë një grua ka raportuar dhunë psikike të vazhdueshme nga i biri dhe bashkëshortja e tij. Pas procedurave dhe intervistimit, palët janë liruar me vendim të prokurorit dhe rasti vazhdon në procedurë të rregullt.
Një tjetër rast i dhunës psikike ndaj një gruaje nga djali i saj është raportuar në Pejë. Edhe në këtë rast, me vendim të prokurorit, palët janë liruar dhe procedurat vazhdojnë sipas praktikës së rregullt.
Në të gjitha rastet, Policia e Kosovës ka ndërmarrë veprimet e nevojshme procedurale, ndërsa hetimet po vazhdojnë.
