Misioni i KFOR-it në Kosovë ka bërë të ditur se trupat hungareze nga Batalioni Taktik Rezervë i KFOR-it (KTRBN) zhvilluan trajnim të përbashkët për Kontrollin e Turmave dhe Trazirave (CRC) me personelin e EULEX-it, duke forcuar më tej bashkëpunimin midis dy misioneve.
“
“Aktiviteti u përqendrua në përmirësimin e koordinimit, qëndrueshmërisë dhe vendimmarrjes nën presion, duke u lejuar ekipeve të përsosin taktikat dhe të përmirësojnë ndërveprimin gjatë situatave komplekse të sigurisë”, thotë KFOR-i.
Sipas tyre, një trajnim i tillë i përbashkët është thelbësor për të siguruar përgjigje efektive dhe të sinkronizuara mirë në mjedise kërkuese. “Duke mbështetur gatishmërinë e misionit dhe duke kontribuar në një mjedis të sigurt për të gjithë njerëzit në Kosovë”.
KFOR-i thotë se punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si reagues të sigurisë.
