Rasti i parë ka ndodhur mëngjesin e së shtunës, kur njësitet policore pas pranimit të informatës kanë dalë në vendin e ngjarjes ku kanë gjetur viktimën femër, e cila dyshohet se kishte pësuar lëndime me mjete të mprehta.

“Viktima, pas marrjes së tretmanit fillestar në Qendrën Kryesore të Mjekësisë Familjare, është dërguar në Qendrën Klinike Universitare të Kosovës, ku i është nënshtruar operimit për shkak të gjendjes kritike. Për rastin është arrestuar i fejuari i viktimës, me të cilin ajo bashkëjetonte, nën dyshimin se ka qenë i përfshirë në ngjarje. Në vendin e ngjarjes policia ka konfiskuar një thikë, e dyshuar si mjeti i përdorur. Me vendim të prokurorit, i dyshuari është dërguar në mbajtje”, thuhet në raportin e policisë.

Ndërkohë, rasti i dytë ka ndodhur pasditen e së shtunës në rrugët e Fushë Kosovës. “Është raportuar se  derisa viktima,  ka qenë në semaforët  për kyçje, i dyshuari për shkak  që nuk i ka dhënë përparësi kalimi ka dalur nga vetura e tipit Audi A3 dhe duke e ofenduar verbalisht ka shtënë me armë zjarri në tokë ku plumbi e ka  goditur viktimën në këmbë. I dyshuari është  larguar në drejtim të panjohur. Viktima ka pranuar tretman mjekësor ndërsa në vend ngjarje është gjetur dhe konfiskuar predha dhe  gëzhoja. Rasti në ndodhet në procedurë hetimore”, thuhet në raport të policisë.