“Opozita është opozitë pikërisht sepse nuk i ka numrat, nuk e ka shumicën në Kuvend. Nuk është në Qeveri fare. E qysh po ju bllokon? Opozita nuk ju pengoi t’i ndërtoni 160 çerdhet. Opozita nuk ju pengoi ta lironi çmimin e energjisë. Opozita nuk ju pengoi ta hiqni TVSH-në nga produktet bazë. Opozita nuk ju pengoi të ndërtoni rrugë magjistrale, disa të nisura që para 7–8 vitesh. Opozita nuk e futi vendin nën sanksione. As nuk bëri që SHBA-ja ta ndërpresë dialogun e planifikuar strategjik. Opozita nuk ju detyroi të lidhni çdo ditë kontrata njëburimore. Opozita nuk e zhyti vendin në korrupsion”, ka shkruar Bajrami.

Ajo ka thënë se qytetarët janë ata që e dinë se kush e mbajti vendin të bllokuar për 9 muaj.

“Se kush doli i pari në zgjedhjet e 9 shkurtit, dhe kush e mbajti vendin të bllokuar për 9 muaj duke e çuar sërish në zgjedhje, qytetarët e dinë shumë mirë. Mos i nënvlerësoni qytetarët! Më 28 dhjetor, vendi çlirohet nga mashtruesit”, ka shkruar Bajrami.

Më herët, ministri në detyrë i Financave, Hekuran Murati derisa numëroi miliardat që nuk morën dritën jeshile sa ishte ende Kuvendi i Kosovës me mandat, i ka akuzuar opozitarët që nuk i votuan ato, duke thënë se nuk i votuan, jo sepse pati kundërshtim në përmbajtje, por, siç tha ai, për t’i mbetur faji Albin Kurtit.

“Qytetarët do ta mbajnë mend këtë veprim destruktiv të partive opozitare dhe do t’ua tregojnë vendin me votë me 28 dhjetor”, ka shkruar Murati.