Kjo javë parashihet të karakterizohet nga mot kryesisht i vranët, me pak intervale me diell dhe herë pas here me riga shiu. Temperaturat minimale do të lëvizin ndërmjet –3 dhe –1°C, ndërsa ato maksimale nga 5 deri në 11°C. Do të fryjë erë kryesisht nga jugperëndimi, me shpejtësi 1–6 m/s.
Sipas të dhënave të Institutit Hidrometeorologjik, për komunat e Kosovës për datat 01 dhe 02 dhjetor 2025, temperaturat minimale do të jenë nga –3 deri në 1°C dhe ato maksimale nga 5 deri në 9°C, të shoqëruara me erë të jugperëndimit me shpejtësi 1–5 m/s.
Të hënën parashihet mot i vranët me intervale me diell, me temperatura minimale nga –3 deri –1°C dhe maksimale nga 5 deri 9°C, ndërsa era do të fryjë nga jugperëndimi me intensitet 1–4 m/s.
Të martën do të mbajë mot kryesisht i vranët, me temperatura minimale nga –1 deri në 0°C dhe maksimale nga 6 deri 9°C.
Të mërkurën parashihet mot kryesisht i vranët dhe vende-vende me riga shiu, me temperatura minimale 1–3°C dhe maksimale 6–9°C, ndërsa era do të vazhdojë nga jugperëndimi me shpejtësi 1–6 m/s.
Të enjten pritet mot kryesisht i vranët me riga të herëpashershme shiu, me temperatura minimale 1–3°C dhe maksimale 7–10°C, me erë nga jugperëndimi me shpejtësi 1–5 m/s.
Të premten moti mbetet kryesisht i vranët me riga shiu, me temperatura minimale 1–4°C dhe maksimale 8–11°C, të shoqëruara me erë të lehtë deri mesatare nga drejtimi i jugperëndimit.
