Një person është arrestuar në Prizren nga Policia për dyshimin e përfshirjes në falsifikim të dokumenteve, mashtrim dhe legalizim të përmbajtjes së rreme.
Sipas raportit të policisë, një ose disa persona të panjohur dyshohet se kanë përdorur dokumente të falsifikuara për të bartur pronën e një qytetari kosovar tek persona të tretë, pa dijeninë e tij.
Gjatë hetimeve, është identifikuar dhe arrestuar i dyshuari, një mashkull kosovar, i cili dyshohet se ka përdorur një letërnjoftim të falsifikuar të Serbisë me fotografinë e tij për të futur të dhënat e viktimës. Pas arrestimit, i dyshuari është dërguar në mbajtje.
Policia po vazhdon hetimet për zbardhjen e plotë të këtij rasti.
